水剌韓饍 (已結業)

今晚我们去咗尖沙咀山林道「水剌韩饍」食晚饭！我们叫咗炆牛肋骨、辣八爪鱼牛肉锅、牛肉雪浓汤、炒粉丝牛肉！我们点完菜之后店员就攞咗啲餐前小食畀我们！有泡菜、菠菜、酸萝卜丝、黑豆、芽菜同最令我意外惊喜嘅牛肉饼！牛肉饼嘅肉味好浓郁同多汁，唔会又干又韧！所有餐前小食都可以添食！炆牛肋骨嘅味道非常好，炆得非常入味同好腍！系本人嘅必食推介！炒粉丝牛肉嘅粉丝非常弹牙，唔太油腻，炒得好干身，但牛肉嘅份量太少，少到几乎揾唔到，就算揾到出嚟，仲幼过肉丝！辣八爪鱼牛肉锅嘅肥牛太肥，份量唔多，八爪鱼都算新鲜，但粉丝嘅份量极之少，一人份量都嫌少！牛肉雪浓汤又系份量极度少，牛𦟌只得三薄片！总括嚟讲他们出品嘅味道尚算唔错，但份量真系极之少！