ZERO (已結業)

今日我们喺旺角朗豪坊睇完戏之后去咗新开无几耐嘅「ZERO」食晚饭！一开始喺我们谂紧想叫咩食𠮶阵，店员就向我们推介话有自选薄饼可以畀我们自己拣钟意咩材料，所以我们就叫咗个自选薄饼：巴马火腿、蒲烧鳗鱼、白银鱼柳同虾，一开始以为呢个配搭系好创新，点知一食落就觉得「出事喇」，因夹埋一齐嚟食嘅感觉超怪，虽然鳗鱼嘅肉质好软滑弹牙，巴马火腿嘅份量亦好足料，但夹埋味道超级咸嘅白银鱼柳一齐食，真系咸上加咸，所以喺自选材料𠮶阵，真系要非常谨慎！另外我们再叫咗蒸松露虾蓉粉包系用软滑嘅越式粉皮包著芳香爽口嘅松露虾蓉，食落口感好丰富，另外旁边仲有一只温泉蛋，而且流心嘅效果做得相当好，呢个crossover真系做得好出色！因为自选拣咗个失败配搭嘅薄饼，所以我们都系叫返个正常传统嘅意式辣肉肠薄饼，饼底系薄批，批边焗得好香口脆身，中间位置嘅质感好烟烟韧韧，辣肉肠嘅味道都几够香辣，至于其他材料亦不过不失，而且份量都几足料！