恩記茶餐廳

营业中

休息中

今日我们元朗八乡附近做完嘢之后，行过锦田上村见到呢间系用可口可乐做主题嘅「恩记茶餐厅」，所以作为超级可乐迷嘅我们，当然要影相打卡一吓兼食个下午茶！喺谂紧叫啲咩食𠮶阵，我突然谂起呢度会唔会有窝蛋免治牛肉饭？因而家好多茶餐厅嘅免治牛肉都变成西式嘅肉酱，但呢度竟然仲系中式人手剁嘅鲜免治牛肉加青菜，所以我们就即刻叫咗嚟食，出到嚟果然无令我们失望，免治牛肉非常鲜嫩软滑，肉味亦相当香浓，再捞埋窝蛋一齐食，质感更加滑溜，真系超正呀！猪扒包嘅包质系我们最赞赏嘅一点，因质感系非常软熟，而且完全无「硬实实」嘅感觉，而猪扒就煎得色泽好金黄香口，肉质亦相当松化！鱼蛋面嘅面质超烟韧弹牙，而鱼蛋亦相当爽口弹牙，最好就系无乜鱼腥味，正呀！喺差唔多食完嘅时候，我们先发现他们有外卖专车，车上印有他们嘅招牌七彩饭，感觉好似好专业兼呢个招牌饭应该唔错，所以我们要另外再揾日嚟食吓先得！