影片
更多
2020-06-17
67 浏览
难得疫情好返少少，梗系出番嚟揾食啦，由于朋友话太耐冇饮过酒喇，今次真系要去酒吧饮返呢几个月都冇饮嘅酒。今次我哋就拣左位于荃湾沙咀道旁嘅Vici Stage ，因为见这间酒吧都新新地，同埋睇食评讲呢度主打泰国菜，所以就试下呢间。一入到嚟酒吧其实都几有情调。同街外真系两个世界，都播住唔少流行嘅MV 。食物选择都算唔错。嚟得呢度梗系要饮酒啦。香煎三文鱼配芒果沙沙。呢个做得好好食。佢做到有少少外脆内软嘅感觉，配上芒果酱同芒果肉酸酸甜甜噉十分开胃。风干火腿露笋卷。呢味菜就食落好清爽，加上巴拿马火腿嘅咸香味，同埋蛋黄酱嘅甜味，食落好有层次。青口煲配面包。青口入口鲜甜，而佢个白汁上汤用嚟送包亦都非常之好味，再配埋酒就一流喇。冬荫公海鲜意粉。呢个相信系今次食过嘅入边最特别嘅一款菜式。冬阴功嘅味道好浓郁，同意粉配搭又几夹，加上海鲜都好足料，都系诚意推介。Dancing Grape 呢个酒系Gin 做基酒。净系卖相都几有特色，饮落去真系好有提子味，酸酸甜甜噉嘅吸引，由于酒味唔浓郁都适合一啲比较少饮酒嘅女仔。Yuzu Forrest 呢个系朋友叫嘅，亦都系令一个好适合女仔饮嘅酒，单凭卖相就可以知道喇，柚子味
难得疫情好返少少，梗系出番嚟揾食啦，由于朋友话太耐冇饮过酒喇，今次真系要去酒吧饮返呢几个月都冇饮嘅酒。
今次我哋就拣左位于荃湾沙咀道旁嘅Vici Stage ，因为见这间酒吧都新新地，同埋睇食评讲呢度主打泰国菜，所以就试下呢间。
一入到嚟酒吧其实都几有情调。同街外真系两个世界，都播住唔少流行嘅MV 。
食物选择都算唔错。嚟得呢度梗系要饮酒啦。
香煎三文鱼配芒果沙沙。
呢个做得好好食。佢做到有少少外脆内软嘅感觉，配上芒果酱同芒果肉酸酸甜甜噉十分开胃。
风干火腿露笋卷。
呢味菜就食落好清爽，加上巴拿马火腿嘅咸香味，同埋蛋黄酱嘅甜味，食落好有层次。
青口煲配面包。
青口入口鲜甜，而佢个白汁上汤用嚟送包亦都非常之好味，再配埋酒就一流喇。
冬荫公海鲜意粉。
呢个相信系今次食过嘅入边最特别嘅一款菜式。冬阴功嘅味道好浓郁，同意粉配搭又几夹，加上海鲜都好足料，都系诚意推介。
Dancing Grape
呢个酒系Gin 做基酒。净系卖相都几有特色，饮落去真系好有提子味，酸酸甜甜噉嘅吸引，由于酒味唔浓郁都适合一啲比较少饮酒嘅女仔。
Yuzu Forrest
呢个系朋友叫嘅，亦都系令一个好适合女仔饮嘅酒，单凭卖相就可以知道喇，柚子味都系好突出，配上酒同果酱加起嚟就好清新。
呢间酒吧嘅食物真系比我想像中好好多，加埋啲酒都调得唔错，十分推介大家嚟试下。
张贴
