Muse Furniture Lab (裝修中)

今日山长水远，去到锦上路呢一间”Muse Furniture Lab”，见网上啲人影啲相打卡都好靓，所以特登嚟试一试。其中一点做得唔好嘅，就系一入到去职员同我地讲用餐时间得85分钟，但间餐厅主打嘅系慢活享受，但得85分钟点叫人慢活？🤔食物方面，两个人嗌咗：1）Latte ⭐️⭐️/⭐️⭐️⭐️⭐️⭐️2）Cappuccino ⭐️⭐️/⭐️⭐️⭐️⭐️⭐️3）紫心香芊丸 ⭐️⭐️⭐️/⭐️⭐️⭐️⭐️⭐️4）黑松露香煎带子大虾法式可丽饼 ⭐️⭐️⭐️/⭐️⭐️⭐️⭐️⭐️5）墨西哥辣椒墨鱼松蚬意大利粉 ⭐️⭐️⭐️⭐️/⭐️⭐️⭐️⭐️⭐️咖啡方面可以用平庸来形容，咖啡香唔出，奶香亦都唔出，明显不是鲜奶；紫心香芊丸不过不失，呢样食物好难唔好味；可丽饼好耐都未食过所以试吓，个卖相唔错，但味道一般，冇咩记忆点；最后黎到墨西哥辣椒墨鱼松蚬意大利粉，全日最好味就系呢个，份量多，用料亦足，食落好惹味。最后两个人埋单$543，个人觉得价钱偏贵，打卡位亦都比想像中无咁靓，可能我去𠮶日天气唔系太好，性价比偏低，唯一可取嘅地方就系职员服务亲切，而餐厅位置偏僻，除非系自己有车或者住附近，否则可以不了。