影片
更多
2013-01-09
7 浏览
呢间餐厅由上年十一月开业至今，我大大话话最少都去咗四、五次。食晏、食晚饭，都试过。上年十二月第一次去，觉得十分有惊喜，但系𠮶时已经发现佢哋响安排座位方面几冇弹性。我哋𠮶次三个人去食晚饭，去到冇位，响门口等。中间有好几张两人枱走咗，接待𠮶位日本人就起势叫两位o既食客入座，即我哋系60号'飞'先算啦，佢系咁放到八十几号'飞'入去，都冇考虑过可以将两张枱拍埋一齐 (𠮶时分别有两次机会可以做到呢个安排)，我哋有同佢讲，佢都好似几认同咁。最终都系等到一张4人枱走，佢先安排我哋入座。今次要写呢篇openrice，主要系有见佢o既服务水准每况愈下，真系唔打唔得。上两次去，我朋友问佢攞一杯全热水，一位女侍应话:「冇全热㗎㖞。」我朋友就话:「我上前嚟，要热水都冇问题。」呢位女侍应即刻面色一沉，气冲冲咁去攞咗杯热水，大大地力咁放响枱度。呢次，我都算。上个星期日晚再去食，又遇著同一位日本人接待我哋。今次我就两个人去o既。我哋张'飞'系51号，登记𠮶时叫到38号。大部分等繄o既食客都系两位。好啦，咁我哋就企响庶等。一直嗌'飞'，嗌到四十八、九咁，有两个攞44号飞呀、46号飞o既人返嚟，佢补返张枱佢哋，呢个唔系
今次要写呢篇openrice，主要系有见佢o既服务水准每况愈下，真系唔打唔得。上两次去，我朋友问佢攞一杯全热水，一位女侍应话:「冇全热㗎㖞。」我朋友就话:「我上前嚟，要热水都冇问题。」呢位女侍应即刻面色一沉，气冲冲咁去攞咗杯热水，大大地力咁放响枱度。呢次，我都算。
上个星期日晚再去食，又遇著同一位日本人接待我哋。今次我就两个人去o既。我哋张'飞'系51号，登记𠮶时叫到38号。大部分等繄o既食客都系两位。好啦，咁我哋就企响庶等。一直嗌'飞'，嗌到四十八、九咁，有两个攞44号飞呀、46号飞o既人返嚟，佢补返张枱佢哋，呢个唔系问题。一般嚟讲，你迟咗，都要让返两、三张枱入去，先轮到佢哋，始终佢哋系迟咗吖。但系个日本人冇咁做，一有枱，佢就放咗佢哋入去，咁都算嘞。好啦，叫到50，下一张到我哋，呢一刻，一对手持41号'飞' o既食客出现，跟住日本人就叫佢等等，话next table。我听到，就问佢，下一张系咪我，佢话next next。咁我话，点解? 佢话因为有其他人返咗嚟。我话，咁佢哋迟咗咁多返嚟，只要show返张'飞'就有位，咁个个都唔驶响庶等啦，攞咗张'飞'，周围行吓，返屋企训吓，迟一迟落嚟都即刻可以有位㗎㖞。我话佢呢套system唔公平同有问题，个日本人好冇礼貌咁同我讲:「我哋个system系咁。」激死我! 今时今日，点可以咁做生意㗎呢??
食物同饮品方面，的而且确，佢哋o既水准系非常唔错。不过，如果佢哋o既服务态度仲系咁，我谂几好食，我都唔再返去帮衬o架啦。
题外话/补充资料：
另，我觉得间餐厅人手都颇短缺，唔知系咪因为咁搅到啲员工做到好忟。
(以上食记乃用户个人意见 , 并不代表OpenRice之观点。)
张贴