Error 19 (已結業)

题外话/补充资料： 好少俾劣评既我今日忍唔住要留下呢个劣评俾呢间餐厅，真系有种前所未有既体验，放心，我都同晒我所有朋友宣扬呢间餐厅恶行！！！亦都会继续不遗余力帮呢间餐厅宣扬劣质服务态度:D 对此餐厅感到十分不满及愤怒，服务态度极差，食物质素恶劣，员工态度超级差，上菜速度应该无边间可以慢得过呢间世界级餐厅。放心，我一定会同我所有mirror fans朋友唱衰呢间餐厅。系呢间餐厅我感受到前所未有用餐极差既体验，系专登黎俾钱买气受。所有mirror fans如果系钟意俾钱买气受，推荐一间垃圾餐厅可以继续努力帮衬。 事源是咁的，我帮个frd庆祝生日，佢拣左呢间餐厅食饭，咁我系两个礼拜前已经系呢间餐厅既openrice到book左位，一早预订了6月18号夜晚食饭。 咁我同个frd到左，系个场唔爆唔满既情况下（大把空位，好多2人食客坐4人台），居然安排book左位既我地去坐一张二人小圆台，明明我个frd已经攞住两袋野都安排咁既位置。我已经好不满，要求换位，心谂点解我提前book位都安排啲咁既垃圾位置俾我，仲要个场系半空咁济。我见到佢有张四人台空既，要求佢换位俾我地，佢都话ok，我就算了费事讲啲咩。但接落黎既事情就好精彩了....... 坐低无耐见到一个waitress倒泻人地台既热茶落个食客既身上，我地当时见到都惊惊地，不过都无太关注件事，净系见到个女食客大脾淋湿晒+成台成地都系水，真系为个食客默哀三秒钟。 咁我同个frd睇左menu一阵，拣好野食就叫个waitress过黎落单啦，当时个场得两个后生waitress，睇落得十尾二头左右咁大既岁数，叫左几次先叫到佢地其中一个过黎落单。好啦，体谅下个waitress好忙又要拖地又要抹台，费事讲啲咩。咁落单，我地叫左几样野，包括黑松露薯条、意式肉丸意粉、香煎鲈鱼配龙虾汁、粉红梳乎、彩虹梳打同杯苹果梳打。讲左梳乎厘后上，个waitress话ok咩都无讲就行开左。（请特别留意呢句ok，并冇提示过甜品要等好耐or即叫即整） 如是者，我同个frd倾左差唔多成个钟计，见一杯水都无上过俾我地，我地叫既野食同野饮无一样黎到，已经觉得好不妙。咁就谂住叫个waitress黎跟下啲嘢食啦，点知个waitress居然上埋野饮俾一台迟过我地好多入座既二人客野饮同野食，都未上菜俾我地。我已经觉得好无奈，咁都照叫waitress黎跟单啦，跟住过两分钟就上左个黑松露薯条同苹果梳打。好啦，咁都同个frd开餐先，等左好耐倾计都颈渴，但请留意另外一杯野饮都系未上（已经过左一个钟+依然冇俾过水我地）。利申个薯条真系劣食到不得了，难听啲讲句麦当劳薯条都好味过佢，仲要个薯条上有块芝士唔溶，痴实晒啲薯条，啲薯条唔热得个暖字可言，又淋patpat，杯野饮完全无乜味，好似饮紧梳打水。不过都算啦，叫做有野食，当打卡餐厅啲嘢食难食食一次算了。咁食食下，个frd颈渴，叫个waitress俾两杯水黎，都扰攘两分钟先俾我地都算了。咁啱好意式肉丸意粉都终于上菜了，等左咁耐以为终于有啖好食啦！个frd食左两啖意粉，咬开粒肉丸，今次唔讲粗口都唔得了，个肉丸中间系粉红色生既，有啲冻冻地。咁我个frd都尽最大努力忍左佢，叫个waitress黎睇下点解决生肉既问题。呢个时候唔知点解有个著住黑色tee既staff出现左黎帮手接待，个staff系著住吞pot既制服，咁佢就话帮我地换个意粉啦。我地都ok，点知佢由厨房转出黎就话唔好意思啊，得返个卡邦尼意粉同肉酱意粉，你地啱唔啱啊？咁呢度我都觉得尚算客气，但个frd对呢两样嘢无乜兴趣就话算啦取消啦。点知呢个黑色制服既女人呢就大大声系个水吧对住佢啲同事大叫：喂，取消㖞！（语气已经好似好不满咁）我听到已经好唔舒服，不过都忍左。 如是者，咁继续食薯条，点知等到迟过我地黎同迟过我地落单既𠮶台客上晒嘢食嘢饮，我地都未有第二杯野饮。无错，我个frd杯彩虹梳打依然系唔知边个国家等紧上飞机送黎俾我frd饮（一个钟十五分钟了）。咁就无可奈何之下，叫个staff黎问下，终于一问一催先出野饮，仲要一出出两杯。好啦，都算了，真系唔知点解我地咁忍得，我本住个frd生日费事破坏佢心情都一路同佢say sorry，估唔到呢间餐厅上菜咁慢同服务咁差。咁又继续食薯条同饮嘢啦，又等左阵，觉得好唔对路，香煎鲈鱼配龙虾汁应该唔洗咁耐一个几钟都未上啦，心谂会唔会系漏单？咁逼于无奈之下，又要叫个waitress黎问，个waitress话帮我地跟，但眼见佢做左一轮其他上菜野，先帮我地入厨房问，入左先有条鱼出黎。咁出到黎，我地都系继续算啦，食野医肚，点知条鱼又干又硬又老，唉！自知中伏了，见个鱼都咁耐，即刻再叫个staff黎上埋个梳乎厘，惊唔知等到几十世纪都未有得食。 哇！呢下先系精彩既片段，个黑色制服staff同我地讲唔好意思啊，由于好多客同好多单，你地个梳乎厘要45分钟之后先上到。我同个frd真系好无奈加好嬲，见到人地迟过我地入坐既野食都齐晒，点解我地要受埋啲咁既冤屈，仲要系帮个frd庆祝既生日饭黎。真系好难忍呢铺，咁我就问个staff点解要等咁耐之前你地啲waitress唔同我地讲要等要叫即整？如果系知要等咁耐，就一早叫你地全部一次出啦，个黑色制服staff净系讲唔好意思但无任何表示。我要求佢揾返个落单既waitress出黎解释返件事，真系接受唔到点解有book台又早叫左成个几钟既甜品可以再要我地等咁耐，一个详细既交代同道歉都无。咁个黑色制服既staff就行开左，好似当我地无到咁，行去水吧倾计，我个frd就真系彻底嬲了，叫佢揾人黎解释，黑色制服staff：叫紧喇！等等啦！先慢慢行入去叫厨房叫个衣衫褴褛仪容污糟既女人疑似厨师出黎解释。我到呢刻都真系谂唔明点解可以叫个厨师出黎解释。好啦，点知个厨师态度更加差，本住更加差既态度对我地，仲话甜品等45分钟佢个waitress一定会同我地讲，我同个frd一口表示佢无讲过，而且啲嘢食等左好耐，两杯野饮等左一个几钟，人地迟黎都齐晒野系咩事。个厨师就避开唔答呢个问题，话帮我地取消个梳乎厘啦咁，跟住行去水吧问返个waitress系唔系无讲等45分钟，佢个waitress覆佢无，先再行埋黎讲句唔好意思。大佬啊！咩唔好意思就想了结件事？呢餐饭等左成个几钟换黎一肚气同咁差既服务态度。我坚持要个厨师解释返点解迟黎过我地啲野都上齐，而我地啲野点解要催先有，个厨师个态度好恶劣咁覆咁厨房得我一个唔够人手整唔切系咁啦，唔好意思啰，咁啦，最多帮你地免左呢单啰！（讲到自己好似大恩大德咁，人地专登黎R免单，意思叫我地唔好咁多嗲已经免你地单佢已经做到狗咁唔好再话佢） 哇！呢下真系极品，即刻起身攞袋走人，发誓一定会帮呢间餐厅宣扬下10分好既服务态度同上菜速度（等候登机黎紧啲菜，无一个钟都上唔到机），你地有兴趣就记得帮衬下，感受下有几咁恶劣既服务态度同劣食！呢间餐厅简直毁坏左mirror既名声，真系唔明点解mirror会授权俾一间咁既垃圾餐厅，好失望！！！！等你执笠！