夢工房西日料理 (已結業)

今日约咗系葵芳返工既朋友，佢推介去'梦工房西日料理'，话放题中佢食物多元化，好多食物选择，我当然系乐于奉陪。我哋6:15去到，人未系好多,装修好modern， 出面有四个装汽水 、酒(任饮)嘅大雪柜 ，仲有火锅疏菜配料、酱油自己拎， 放题中都少见。哗……见到点菜纸选择都真系唔少㖞， 我哋二话不说， 即刻点刺身、寿司先! 刺身我哋点咗三文鱼腩，象拔蚌，甜虾，寿司点了带子、烧牛肉、虎虾，整出品都好鲜甜。三文鱼腩肥美，带子寿司好新鲜，最值得再点!熟食方面，我首推黄金烧蚝，大大只蚝，烧到很野味。另外天妇罗炸蚝及炸虾，都很脆口。甜品方便，雪糕、雪条放满2个大雪柜，另外蛋糕都有好几款选择。 雪条我拣咗我至爱嘅榴梿味， 唔系周围有得食，好正呀! 朋友拣咗椰子味，佢都话唔错。 另外试咗个焦糖蓝海盐雪糕， 咸咸地味道好特别。餐厅实在太多选择，食得太饱了，无试火锅，下次一定要再嚟试埋火锅。