Comfy by Chef's Stage (東廣場)

营业中

休息中

最近多咗去观塘食饭，今日就拣咗位于就近观塘港铁站嘅东广场呢间Comfy by Chef’s Stage。呢度餐厅设计都几靓，部份餐枱仲附带有叉电位，设计真系好贴心。首先我哋拣咗甜薯条，番薯金黄色，而且好甜，外脆内软，口感一流，唔使点茄汁都咁好食。朋友钟意食蟹肉，而我又想叫个沙律，于是就拣咗芒果蟹肉牛油果沙律。上层系牛油果酱，而下层就系用蟹肉包住芒果肉，旁边仲有火箭菜，确系一度好开胃嘅菜式。晚餐当然要食个饭，我哋就选择咗烧美国安格斯牛腹柳日式丼饭，够晒丰富。牛腹柳切成薄片，而且用酱汁煮过，够晒入味。餐牌上已经标明佢哋系使用日本兰王蛋，所以蛋黄非常橙红，而且仲好有蛋香。仲有牛蒡同泡菜做伴菜，够晒醒胃。想饮咖啡又惊瞓唔着，所以就叫咗呢个雪糕特浓咖啡，贪佢有雪糕中和返特浓咖啡嘅味道。咖啡真系超浓郁，旁边仲有几粒烘焙过嘅咖啡豆，非常脆口。另外见到隔离枱叫咗紫薯鲜奶好吸睛，所以我都叫番杯，少甜嘅紫薯鲜奶特别好味。呢度仲有自助区，可以自己斟水，最惊喜嘅系佢竟然有Sparkling Water免费提供，真系喜出望外。仲有好多乳酪杯，喺附近返工嘅朋友就幸福啦。