影片
更多
2018-12-27
205 浏览
见楼下新开张去试下，点知食到一肚气。先讲餐具，见把牛油刀同切肉刀上仲有渍，明显洗碗𠮶个未洗干净，卫生麻麻。我地两个人，叫左铁板杂扒、铁板西冷扒及一客焗田螺。先上个餐汤，我地要左红白汤各一客，两碗都稀到好似水咁，只有茶餐厅质素，唔系一间扒房应有啲水准。饮完汤，等左好耐都未上嘢食，谂住可能厨房慢，所以都无催侍应，点知隔离枱迟过我地十分钟落 order 嘅铁板扒餐都到左，但我地叫嘅嘢仍然一样都无嚟过，我先去问侍应，佢话好快有，结果由落单到上枱足足等左 30 分钟！好明显佢漏左我地张单！田螺完全无味，好似食紧擦胶，就连碟上嘅薯蓉都可以无薯味，去过好多间花园餐厅，呢间嘅焗田螺都算系最难食嘅一间。当我地仲有一粒田螺未食，侍应竟然想收左我地碟田螺，当然被我阻止，心谂上餐又唔见你咁快，收嘢就咁鬼快，连客人未食完都无睇清楚就想收。杂扒铁板餐，我第一次见跟餐竟然系一块薄切猪肉肠，而唔系用司华力肠或厨司肠，心谂话晒都一旧水个铁板餐，使唔使悭成咁？西冷铁板餐，我叫七成熟，点知嚟到约莫得五、六成熟，中间仲有好多血水，筋𠮶啲位系生到完全切唔断嘅。由于等左咁耐先有得食已经无乜心情，𠮶刻只想食完快啲走，我都废事叫侍应
先讲餐具，见把牛油刀同切肉刀上仲有渍，明显洗碗𠮶个未洗干净，卫生麻麻。
我地两个人，叫左铁板杂扒、铁板西冷扒及一客焗田螺。先上个餐汤，我地要左红白汤各一客，两碗都稀到好似水咁，只有茶餐厅质素，唔系一间扒房应有啲水准。
饮完汤，等左好耐都未上嘢食，谂住可能厨房慢，所以都无催侍应，点知隔离枱迟过我地十分钟落 order 嘅铁板扒餐都到左，但我地叫嘅嘢仍然一样都无嚟过，我先去问侍应，佢话好快有，结果由落单到上枱足足等左 30 分钟！好明显佢漏左我地张单！
田螺完全无味，好似食紧擦胶，就连碟上嘅薯蓉都可以无薯味，去过好多间花园餐厅，呢间嘅焗田螺都算系最难食嘅一间。当我地仲有一粒田螺未食，侍应竟然想收左我地碟田螺，当然被我阻止，心谂上餐又唔见你咁快，收嘢就咁鬼快，连客人未食完都无睇清楚就想收。
杂扒铁板餐，我第一次见跟餐竟然系一块薄切猪肉肠，而唔系用司华力肠或厨司肠，心谂话晒都一旧水个铁板餐，使唔使悭成咁？
西冷铁板餐，我叫七成熟，点知嚟到约莫得五、六成熟，中间仲有好多血水，筋𠮶啲位系生到完全切唔断嘅。由于等左咁耐先有得食已经无乜心情，𠮶刻只想食完快啲走，我都废事叫侍应再换，唔想又要再等半个钟！西冷扒除左生少少外，都算中规中举，不过又未至于值得用贵连锁快餐店一倍价钱去食。
结论，呢间花园无论服务及嘢食都唔合格，唔会再帮衬。一旧水去食连锁快餐店铁板餐无咁嬲。
张贴
