吉嘢食

营业中

休息中

作为街坊间唔中都会去帮衬下，有时谂唔到食咩去买$20鱼蛋同碗仔翅都几好。近段时间有位年约5,60岁黑发冬菇头阿婶啲态度真系好恶劣，可能每次我去都系买𠮶少少嘢佢唔多稀罕次次都冇好面色俾我睇。自问每次都有唔该前唔该后，我都清楚明白小店都唔可以太要求佢地有几好服务态度。一次两次三次都反我白眼我都算，直到琴晚21:20左右我又谂住去买$20鱼蛋，当时都多客大概四五台左右。我排队等右手边𠮶客点左嘢食先，因为佢前过我我企左手边。黑发冬菇头阿婶收完佢钱之后就完全唔理我，开始包其他客既嘢我都唔紧要反正等开。然后叫号叫到我后面位男士，当时我都下意识让开俾佢上前。结果黑发冬菇头阿婶直接大声叫我：阿姨你借过啦。我当下真系百思不得其解，我先30岁人俾个阿婶叫我阿姨，仲要劲大声劲冇礼貌。我完全唔知我边度得罪佢？就算近我屋企，啲鱼蛋好食我都真系说服唔到我自己去买黎受气。真系好过份好过份。