影片
更多
2011-08-27
7 浏览
今(27-8-2011 Sat)朝同男友起身后,同佢落荃湾食早餐,佢就返工我去买𩠌.由于佢时间赶赶地,我又唔想去大家乐,就问佢呢间好冇?佢话好.入到去,我o地被’招呼’到一张三人卡位,男友要$24.00o既自选双并面早餐,拣o左沙爹牛肉火腿面,加$2.00要冻柠茶少甜.我要$27.00o既美式扒早餐,要鸡扒加$2.00饮冻柠水.落单唔够两分钟,男友o既沙爹牛肉火腿面到o黎,即系话面一早已经整好,只系加𩠌.然后两杯o野饮到o黎,我o既冻柠水都几甜吓.之后我o既早餐到o左,有鸡扒,茄汁豆同煎蛋,件炸鸡扒热辣辣,几够咸,煎蛋焗豆呢啲冇乜问题.而迷你牛油猪仔包就后上,又系热辣辣o既,好够脆,可惜牛油唔多够.服务:开头入到去,o个边只有一张近神枱二人卡位,咁我当然会行埋去另一边揾位,见到一张吉o既四人卡位,想行去.个亚姐就指返我见到o既第一张卡位,我唔出声照行,佢望望话,啊,o个o度都有张.佢知我想坐o个张,但另一个亚姐又指另一贴住玻璃墙o既卡位,叫我坐o个张.o个张即系我最后坐o左o既3 人卡位,其中一个位会有啲顶手o既.之后有一个男性客人o黎,佢就坐o左o个张4人卡位.我唔明白,点解两个人唔
由于佢时间赶赶地,我又唔想去大家乐,就问佢呢间好冇?佢话好.入到去,我o地被’招呼’到一张三人卡位,男友要$24.00o既自选双并面早餐,拣o左沙爹牛肉火腿面,加$2.00要冻柠茶少甜.
我要$27.00o既美式扒早餐,要鸡扒加$2.00饮冻柠水.
落单唔够两分钟,男友o既沙爹牛肉火腿面到o黎,即系话面一早已经整好,只系加𩠌.然后两杯o野饮到o黎,我o既冻柠水都几甜吓.
之后我o既早餐到o左,有鸡扒,茄汁豆同煎蛋,件炸鸡扒热辣辣,几够咸,煎蛋焗豆呢啲冇乜问题.
而迷你牛油猪仔包就后上,又系热辣辣o既,好够脆,可惜牛油唔多够.
服务:
开头入到去,o个边只有一张近神枱二人卡位,咁我当然会行埋去另一边揾位,见到一张吉o既四人卡位,想行去.个亚姐就指返我见到o既第一张卡位,我唔出声照行,佢望望话,啊,o个o度都有张.佢知我想坐o个张,但另一个亚姐又指另一贴住玻璃墙o既卡位,叫我坐o个张.o个张即系我最后坐o左o既3 人卡位,其中一个位会有啲顶手o既.
之后有一个男性客人o黎,佢就坐o左o个张4人卡位.我唔明白,点解两个人唔可以坐张4人卡位,一个人就可以?而且我同男友合共拎住三个袋呢.
上菜速度超快,我睇住个师傅由炸炉夹o左我件鸡扒上碟畀我;亦睇住佢由焗炉攞个猪仔包出o黎摸,唔够脆就放返入去焗多一阵.
呢o度o野食都OK,不过请留意吓,唔好指定客人坐边张枱好啲.
张贴