八道韓式燒烤 (已結業)

本人今晚和七岁女儿到呢间食韩烧放题，其实我经常光顾，最近一次只系10月份，因为本身住附近屋邨，而且价钱亦可接受，但今晚真系好激气，事原我致电订位时系讲明一大人一小童，况且最近一次10月份都系咁样收费，但今次食完埋单时计我二个大人收费，且有职员大大声话如身高超过1.2米就要照计大人，但由入座至食紧期间一直无职员向我提过，其实相差只不过三十元左右，所以我照比钱离开，但谂谂吓条气唔顺，就致电该舖反映，接听男职员真系超正！口口声声话已闹咗有关职员，但又不问我：（你想点吖？你想点吖？）真系唔激气都比佢搅到激气，我问佢老细乜嘢时间喺度？有冇投诉电话？他竟然答：（老细唔系成日喺度架！无投诉电话架！）真系好嘢！间舖我经常帮衬，而且向朋友都有推介，但今次由于呢位职员，真系大打折扣！