香港郵意明信片航海主題咖啡廳 (已搬遷) 新店位置

书展今日最后一日，梗系要去睇下有咩平，扫完平货之后，想揾个地方舒舒服服休息下食个饭，朋友推荐呢间邮意明信片餐厅。餐厅环境都算舒适，睇过开饭网之前既食评，都知呢度好多野都系自己落手，由拎餐牌到回收餐具，都要自己搞掂。Jumbo All Day Breakfast :一向喜爱 all day breakfast 既我地，第一时间拣左呢个 jumbo 版，上台时卖相吸引，迷你牛角包焗得够香脆，黑松露炒蛋够滑，可惜烟肉煎得比较干，而只有粟米有加热，茄汁豆仍然系冻既，呢方面可以改善。另一样叫左 carbonara，酱汁煮得好味，但份量较细，而配料亦唔太足够，食完都好似唔系好够喉咁。食饱饱梗系要叫返杯咖啡休息下，我叫左 Hazelnut Latte，拉花相当靓，好香榛子味，饮落亦都相当香滑。朋友叫左 Orange Mocha，味道比较特别，咖啡味之中夹有淡淡既橙香味，都算系第一次试。呢度食物味道算唔错，系服务较为一般，不过如果想悠悠闲闲咁坐下倾下计，都算系一个唔错既选择。