太興 (峻峰花園) (已結業)

陪妈行完街后，突然落好大雨，避雨期间两人都开始肚饿，于是行去筲箕湾港铁站侧边间太兴烧味食午餐，当时餐厅食客都好多，只有一张比较近厨房嘅枱无人坐，我哋都唔介意照坐，然后好快地叫咗两个午餐，一个系惹味排骨汤面+热柠水 $46，另一个台南肉燥煎蛋饭+热柠水$48。大约五分钟就送咗两个餐嚟，我和妈第一时间都先食排骨汤面，汤底唔错，可惜排骨嘅肉就比较实，味道都可以，口感就一般，然后大家都食肉燥煎蛋饭，感觉都比排骨汤面好食，啲肉都容易食好多，好香嘅肉燥香味，好有台湾风味，仲大过台湾嘅肉燥饭好多，两个餐都有一杯餐饮，我哋都系叫咗热柠水，两个人都食得好饱，如果店内环境可以干净啲，我就会坐耐啲，可惜唔系，所以食饱就走啦。总结：食物可以，环境一般，收费合理。