中華小廚 (已結業)

夜晚六点几，老友先话一齐食饭。是晚母亲节，周围D餐厅都排晒队，唯有去宝盈花园楼下既中华小厨，都仲有三四张吉台。入到去侍应阿姐安排我地坐系一张刚埋单未执好既台，阿姐执台好慢，抹台又好乸西。不过知佢地做左成日好辛苦都由佢。叫阿姐落单，又话冇落单机，等左一阵先有第二个阿姐来落单，由于太肚饿，好快点左三个𩠌一个炒饭，上菜都好快，不过D味道认真一般，蒜香骨好干。炒饭好淋，蛋白好大旧，瑶柱系细细粒既元贝干。虾干杂菌浸菜心，D菜心好淋，杂菌冇乜味。唯一正常D系回锅肉，用椰菜辣椒炒，有D镬气。唔知系咪母亲节太多人，厨房失准？！