Outdark (H8)

营业中

休息中

朋友生日点名要食炸鸡，唔知点拣之下，同事介绍我哋可以去Outdark，因为话依间多选择（指除炸鸡以外嘅食物款式）。预早两日打咗电话去book位，去到当日会再打电话确认订位人数同时间，非常细心，所以即刻问埋可唔可以自擕蛋糕🎂，佢非常欢迎同无切饼费，感觉良好。当日排队搭lift上到去，见到好多人喺度等位，庆幸自己有预早book位，一到可以即入，唯独系地方唔大，6个人座啲座位比较挤迫。今次叫左（1）双拼炸鸡（全份），包括有炸鸡、薯格、波浪薯条、薯片；（2）DIY饭团，小朋友最喜欢嘅菜式，因为有得参与同分享，最紧要好食；（3）猪脚（全份），份量超大，可配生菜同沙律菜食一流；（4）串串鱼糕汤，份量大，味道好；（5）东莱海鲜煎饼，海鲜特别丰富，值得推介！整体而言，每道菜味道都好好。特别一提，生日黎食饭，店舖会送一张即影即有相片。咁好嘅服务态度同食品质素真系好难唔再帮衬，下次可以再试其他食品😚。