影片
更多
2018-04-03
181 浏览
呢排突然好想食鸡煲，周围问人有咩好介绍之下，终于有朋友推介我黎呢间滚喜，周街都系鸡煲既时势下朋友都特别推介呢间，今晚一于试下佢！环境：呢度地方好大，座位好宽敞，加上枱与枱之间有一定距离，私人度高，同朋友开怀倾计都唔怕嘈到隔离枱！服务：一入餐厅侍应已经好殷勤带位同推介鸡煲/边炉汤底同配料，落单冇漏上菜快手，最紧要系全程都好有笑容，朋友迟左半个钟到，佢地特登帮我地计住时间差唔多先上鸡煲，呢d服务就真系值收加一喇！卫生：值得一提既系，一般打边炉既地方都会比较大油烟，枱凳难免会油油地，但呢间完全唔系咁！可能楼底够高同清洁做得足，成间舖都新速速既感觉，用具都好干净，食得好舒服。味道：先讲鸡煲，我地拣左细煲同小辣，两个人食份量岩岩好，我地本身唔食辣既都接受到小辣，鸡件比较细件，可能因为咁件件都好入味！鳝片个人十分推介，特登影低几咁大块，鱼皮滑鱼肉爽，而且系真正既冇骨，怕骨既人都可以放心食！呢个蜂巢豆腐煮完真系可以弹开一倍，咁先可以食落爆汁又有口感架嘛！墨鱼滑二人份量都几多，而且食落入面有软骨，绝对唔系街边普通冻肉舖既质地，真材实料！菜类都几多选择，份量都唔少，一份菜已经够晒两个人食！抵食：食完鸡煲
环境：呢度地方好大，座位好宽敞，加上枱与枱之间有一定距离，私人度高，同朋友开怀倾计都唔怕嘈到隔离枱！
服务：一入餐厅侍应已经好殷勤带位同推介鸡煲/边炉汤底同配料，落单冇漏上菜快手，最紧要系全程都好有笑容，朋友迟左半个钟到，佢地特登帮我地计住时间差唔多先上鸡煲，呢d服务就真系值收加一喇！
卫生：值得一提既系，一般打边炉既地方都会比较大油烟，枱凳难免会油油地，但呢间完全唔系咁！可能楼底够高同清洁做得足，成间舖都新速速既感觉，用具都好干净，食得好舒服。
味道：
先讲鸡煲，我地拣左细煲同小辣，两个人食份量岩岩好，我地本身唔食辣既都接受到小辣，鸡件比较细件，可能因为咁件件都好入味！
鳝片个人十分推介，特登影低几咁大块，鱼皮滑鱼肉爽，而且系真正既冇骨，怕骨既人都可以放心食！
呢个蜂巢豆腐煮完真系可以弹开一倍，咁先可以食落爆汁又有口感架嘛！
墨鱼滑二人份量都几多，而且食落入面有软骨，绝对唔系街边普通冻肉舖既质地，真材实料！
菜类都几多选择，份量都唔少，一份菜已经够晒两个人食！
抵食：食完鸡煲再打边炉，鸡鱼肉菜都食齐，都系一人二百蚊都唔使，而且服务好坐得又舒服，抵食啦。
张贴
