寿々乃 (已搬遷) 新店位置

自己一直都系寿司爱好者，女朋友话佢冇乜食过好嘅omakase ，咁啱最近有朋友推介呢间寿司舖，就胆粗粗带埋佢一齐上嚟试吓。其实我本身就唔系好钟意你呢幢大厦食嘢，因为次次部䢂都要等好耐。不过呢日都几好彩，竟然冇人排队，好快就上到黎。我朋友推介嘅时候话呢度嘅服务好好，师傅会好留意每一个客人嘅反应，再从当日新鲜嘅食材中选择我最适合每一位客人嘅组合。佢果然冇讲大话。师傅好热情咁介绍每一道菜，交流非常充足。我同我女朋友都系最钟意呢度嘅拖罗。入口即溶，油脂充足。𩽾𩾌鱼肝亦都非常出色。另外有一啲比较特别少少嘅食材，例如黄金鱼子。最令我开心嘅，系女朋友都非常满意。以后同佢一齐揾餐厅食寿司，呢度绝对系其中一间可以再嚟嘅地方。