品越越式料理 (雅蘭中心) (已結業)

屋企人话想食越南野，就拣咗哩间试。闲日7点几去唔使等位。拣咗梳化位坐，几阔落，张枱都大，坐得几舒服。香芒软壳蟹米纸卷入面有芒果、软壳蟹、青瓜，食落酸酸哋好开胃串烧拼盘正路串烧，牛肉几好食，好淋唔韧。越南春卷超好食，上枱热辣辣，挂住食都争啲唔记得影相。虾酱炒饭有扎肉有虾，屋企人话虾酱味唔够，但我觉得ok。蒜蓉芥兰屋企人钟意食好淋嘅菜，特登叫佢煮淋啲而佢哋真系有照做。好欣赏佢哋。焗扇贝扇贝都算大粒，同埋有好多洋葱女侍应好勤力，密密斟水，又帮我哋换碟，可能因为平日唔算好多客，所以招呼都好啲。