影片
更多
2020-05-15
1988 浏览
我好钟意食云吞面鱼蛋粉𠮶类面食，因为又平又好食，而且无咁滞。甚么米线、拉面通通都无得比。我喺深水埗区出没咗成年几有多，但仍然有好多餐厅未食过。呢日见唔系好饿，就同大妈揾咗间面舖食下😙，去咗「标记乐园」。之前一直无留意呢间面舖，多数只系掂行掂过，直到最近社会事件，先至听人讲起。我哋一入到去当堂打咗个突，因为环境好干净，同想像中唔同，而且衞生措施做到足，每张枱放好隔板同提供消毒搓手液👍。另一意想不到嘅事就系面舖嘅每位姐姐礼貌同笑容都攞满分💯，真系唔系讲笑，好夸张呢。我哋入去𠮶阵未有卡位，但转过头佢就叫我哋准备起锚，转枱，劲好人。面舖就当然主打面食啦，基本牛类同丸类嘅都有。另外，仲有啲茶餐厅食物，部份仲系全日供应添。面食价钱唔算平，但又唔系贵嘅，平均$3x一碗🤔。落单时，姐姐又好鬼识做生意，问我哋加唔加碟油菜🥬，又话食菜有益呀，跟餐平啲呀。我哋最后有嗌菜嘅原因，某程度上都系因为佢好殷勤😊。我要咗标记双丸面($30)加紫菜($6)，整体味道都唔错。首先，个汤唔会太油，但又够味。第二，幼面渌得够爽口，而且无碱水味。最后，🍢双丸其实即系牛丸同鱼蛋，各有两粒，份量就略嫌少咗啲，夹埋先得四粒。两种丸都
我好钟意食云吞面鱼蛋粉𠮶类面食，因为又平又好食，而且无咁滞。甚么米线、拉面通通都无得比。我喺深水埗区出没咗成年几有多，但仍然有好多餐厅未食过。呢日见唔系好饿，就同大妈揾咗间面舖食下😙，去咗「标记乐园」。
之前一直无留意呢间面舖，多数只系掂行掂过，直到最近社会事件，先至听人讲起。我哋一入到去当堂打咗个突，因为环境好干净，同想像中唔同，而且衞生措施做到足，每张枱放好隔板同提供消毒搓手液👍。
另一意想不到嘅事就系面舖嘅每位姐姐礼貌同笑容都攞满分💯，真系唔系讲笑，好夸张呢。我哋入去𠮶阵未有卡位，但转过头佢就叫我哋准备起锚，转枱，劲好人。
面舖就当然主打面食啦，基本牛类同丸类嘅都有。另外，仲有啲茶餐厅食物，部份仲系全日供应添。面食价钱唔算平，但又唔系贵嘅，平均$3x一碗🤔。
38 浏览
0 赞好
0 留言
我要咗标记双丸面($30)加紫菜($6)，整体味道都唔错。首先，个汤唔会太油，但又够味。第二，幼面渌得够爽口，而且无碱水味。最后，🍢双丸其实即系牛丸同鱼蛋，各有两粒，份量就略嫌少咗啲，夹埋先得四粒。两种丸都好食嘅，够弹牙，但就未去到好惊艳嘅程度。相反，紫菜就够多，亦唔会一饼饼唔开或有沙。
大妈要咗秘制新鲜牛腩河($35)加墨丸(丸双并+$8)。就咁望落河粉份量好似多过幼面，而且应该比较饱肚。双拼墨丸原来只系得两粒，即系成$4粒，都几贵，而且味道冇乜特别，普普通通。不过🐮牛腩就好有惊喜㖞！我觉得劲好食啊，因为牛腩肥瘦分明，而且肉质鲜嫩，唔鞋口，加上好入味，正😋。牛腩切开一件件，唔系一抽、断唔开𠮶种。下次如果自己食，我都会叫牛腩。
喺姐姐嘅推销下，我哋加咗碟郊外油菜，原价$15，跟面就$12。油菜有得拣生菜、菜心同通菜，我哋要了腐乳通菜。份量都几多，加上腐乳酱唔太咸，啱我🤤。
总括嚟讲，本身只系抱住支持下面舖嘅心态嚟食，点知发现原来标记咁高质。食物、环境同服务都令人相当满意，所以俾贵几蚊食都值得嘅。面舖两点就做下午茶，平均$2x有交易，抵！最后，唔使多讲，斋睇门口都知佢系一间撑香港人嘅餐厅啦💛。
张贴
