笑林寺

营业中

休息中

笑林寺，一间长期摆喺 which list 嘅 cafe，年初二过海做完嘢，终于有机会嚟朝圣。呢度其中一个亮点系佢嘅 menu 同装饰摆设，全部以武功为主题，仲有个书架放咗金庸小说，非常吸睛。先嚟个草上飞，系以白酒，忌廉同自家制青酱炮制嘅 pasta，配料有蕃茄粒，蒜粒同洋葱粒，面头仲有只烤焗大啡菇。呢个意粉最正嘅系青酱味劲浓劲香，加埋其他配料，超好食。再叫个黄金坚壁，就系沙律菜配面头铺咗芝士，烟肉同焦糖香蕉嘅法式多士，呢个最正嘅估唔到系用嚟点多士嘅蜜糖，非常香甜，甚至食得出啲啲酒嘅醇香味。餐后嚟杯化骨绵掌，即系用中式茶盅盛载嘅 cappuccino，我拣咗较 nutty 嘅口味，又系高质到无话可说。