船長意法日餐廳 (已結業)

落左两星期雨有蓝天见下,去左元朗揾朋友游早水,游下晒下个几钟,又饿又口渴,去左附近西菁街既船长意法日餐厅。见佢门口放左放大哂既餐牌,令人唔洗行到好近都睇到有咩食。我地去到12:30,餐厅几大间,坐满哂人,上台客食完等清洁好我地就有位,食物同饮品好多选择,唔怪得咁多人。*蜂蜜花梨蜜跟餐$14,好大杯,清甜蜂蜜加上花梨丝蜜,非常解渴。*忌廉奶茶红豆冰$24,卖相好令呀,好大旧cream沟埋奶茶红豆,成杯甜品咁呀!*白酒汁煮珍珠蚬$33,超浓洋葱香草忌廉汁,d蚬好入味又无沙,食蚬时夹埋汁食当浓汤饮。*白汁芝士焗西兰花$29,份量几多西兰花又大旧,仲有洋葱蘑菇,西兰花唔算多芝士较清淡,咁就可以食多d。*夏威夷风光Pizza$33,皮好脆,馅料芝士菠萝火腿够多,芝士焗得刚好金黄色又香又好味,食既时候唔会掉哂d馅,做得几好。*蜜烧葡萄柚子鸡翼4只$28,炸好鸡翼加埋好多柚子酱汁,食下蘸下再食,朋友说酸酸甜甜有d似咕噜肉。叫多杯卖相好吸引又大杯既*蓝蝶花白桃特饮$28,蝶豆花有饮用禁忌孕妇不适合,但功效唔少,最吸引系含有花青素,会泡出蓝色,但花青素会随酸碱度不同,呈现出唔同颜色,碱性-蓝色,中性-紫