牧羊少年咖啡館 (雅蘭中心)

营业中

休息中

黎到旺角想做下文青，打下卡，食个午饭坐下Cafe, 呢度系唔错的选择。可能正直假期好多人出外旅游，人数唔算多，基本上好快已经有位。点左几样野食，味道都唔错首先呢碟香菜青酱鸡肉芦笋意大利粉，午餐精选，唯二嘅意粉之一。味道清新，充满田园风味，两条芦笋粗大爽口，钟意清淡嘅好选择。再黎呢碟日式大阪烧风味烟三文鱼薄饼，好味，比某连锁Pizza屋的Pizza更加松脆可口，大阪烧味道比某道堀嘅大阪烧更具风味。跟住就到我嘅至爱bbq酱手撕猪肉菠萝汉堡包，呢个配搭确实系几好味，加上新鲜热辣，肉嫩皮脆，真系好钟意。再附上饮品照，牧羊少年身为咖啡店，特色饮品唔少，可以去发掘下。食完觉得呢度值得本太子再去。