京疆風味館 (已結業)

九月头黎过一次, 但系冇开到, 有D无奈, 平日都唔开。两个星期后咁岩做完野又经过, 但见到有街坊同个唔知老细定伙计嗌交, 又话咩野间食肆有牌照问题（唔知果个系咪附近既街坊）, 大家互相指骂, 恶言相向。我当时心谂: 姑勿论边个岩边个唔岩, 间食肆D人咁唔礼貌闹人, 即刻失唔少分, 先唔讲D野食好唔好食, 人品最紧要。最后我果日都冇入到去。但系前日, 系我同事话想试下, 咁最后我地都真系入左去试下。间野好迫, 张抬有D油积汤积, 唔系好干净, 第一印象同感觉系千其唔好带女朋友黎食。试左土豆丝, 鸭丝卷饼同埋饺子, 因为系OPENRICE多人推介。唔… 真系麻麻地… 味精味有点重..... 有d咸左少少..... 可能佢太”正宗”，师承伟大祖国所以唔太习惯啦 -__-帮亲小店系重要既… 试新野都重要.... 但系呢间就只限一次, 所以我同个同事讲, 有时网上既食评真系唔可以尽信, 自己舌头既味觉最重要。所以我好少写食评, 今次破例, 因为对呢间店好”深刻”至于有牌无牌, 卫生唔卫生, 我都无再去谂。其实附近仲有好多其他食肆既~