功夫點心 (已結業)

我和外国友人二人同行，服务态度好差，基本上系样样都要提先比，牛肉无喼汁，萝卜糕无酱。萝卜糕超级难食，食物大部份都系偏淡味，牛肉球系几好食，其他都真系好一般，叫做不过不失。但系食到一半，男员工突然间过嚟叫我食快啲，话赶住清枱。我8:45啲点心先来齐，9:15催我走，问完先知原来9:30佢哋要清场，咁入座嘅时候应该要提醒客人，我都唔系想阻住人哋收工，去到9:25 ，已经熄冷气同埋所有员工坐喺度望住你，一路大声打喊露，感觉劲唔好受。只可以讲价钱唔系贵，但咁嘅质素唔折都系奇迹。食到中途张梳化有小曱甴都算，番到屋企我同朋友二人都又屙又呕，唉。真系贴钱买难受。好少写食评，就算食物味道或者性价比低都好，我都唔会点样写，但真系食坏人先要讲。