神石燒 (愉景新城)

营业中

休息中

平日夜晚7点唔洗等位，店员态度好nice。入座后手机QR CODE落单。除咗上菜，所有野都系自助，落单后喺出面自助吧行咗个圈，沙律、两款汤都只净返少少，半小时后才有店员补充，洋葱牛舌汤唔错，洋葱同萝卜都煲到好林，亦有好多牛舌粒。出面仲有紫菜饭素配白饭，味道就一般。我哋叫咗1++韩牛套餐，有韩牛，美国牛同牛舌共300g, 美国牛唔韧，韩牛脂肪分布靓，牛舌唔算厚切但食落都好林同香。值得一提嘅系旧石唔系好够热，食到一半需要换石。肉嘅份量亦偏少要靠白饭饱肚。店内职员人手不足令自助吧一时冇汤一时冇饭一时冇沙律。出去拎野食有少少似排队配给，甚为凄凉。整体嚟讲，食物尚可，职员态度好，但食客体验就一般。埋单后有抽奖，送咗一张九折卡同埋一杯免费饮品供下次使用。