大壹冰室 (已結業)

朋友係第一城站個邊工作，佢帶左我去河畔花園個邊食午餐。原本以為要行好遠，點知10分鐘到就到左。河畔個邊好多野食，我地經過一間叫大壹冰室外面，見到好多人排隊，所以就入左去試下。佢有提供好多午市套餐，價錢都尚算可以。我叫畫個龍蝦汁海鮮焗意粉配熱華田(HKD 52)，餐湯就要左個忌廉栗米湯。先黎既係個栗米湯，忌廉味幾香，用料都幾足下。 個餐包就係蒜蓉包(我至愛)，味道還可以，不過可以更加多蒜蓉(我本身係蒜蓉控)。個海鮮焗意粉賣相幾好，燶燶地既芝士蓋着海鮮如魚，青口，帶子等等，味道唔錯。意粉分量都算多。 杯熱華田就中規中矩。