影片
更多
2021-03-08
1106 浏览
太耐无同同事出去揾美食，一于就试喺中环新开嘅FRITES。即日朝早订午餐好彩有枱，不过限住一个小时内完餐交枱。12点半左右到餐厅，职员都好快安排入座。外在环境够晒CHILL，不过对住马路有啲食尘，好彩我哋获安排坐返入面。餐牌及饮品牌设计精致似本杂志，加分。不过是日午餐的餐牌并无另印参考，食客要自己用手机扫QR CODE睇，或者方便厨部同后台会每日更新，但最终都系要托侍应落单，有啲唔方便。一行四人叫咗4个SET，每SET前菜可以跟餐汤或者沙律。同事拣咗薯仔汤，自己拣咗南瓜沙律。薯仔汤望落个色似南瓜汤咁，饮落有淡淡哋薯仔味，重芝士拉丝味道，饮晒成碗汤一啲都唔"漏"。至于南瓜沙律，菜新鲜爽脆，绵绵南瓜仲好甜，仲有啲合桃碎粒，配埋酸酸地两小口山羊芝士好好咬口。如果净系一大碗沙律，都会有健康客嘅巿场。主食嚟啦! 同事嘅蕃茄芝士意大利粉，闻落浓郁蕃茄香，食落去有轻淡味道，不是茄膏假甜味，有少少芝士香味混埋一齐，YUMMY! 意粉面身软硬度适中，并无太腍黏口或者太硬身。女仔嚟计，食晒一碟完全OK！另一同事点咗鸡胸肉扒配薯菜，扒身上层有芝士番茄酱。肉扒有手掌大小尺寸，扒身唔会过厚，入口亦唔粗糙"鞋口"
12点半左右到餐厅，职员都好快安排入座。外在环境够晒CHILL，不过对住马路有啲食尘，好彩我哋获安排坐返入面。
餐牌及饮品牌设计精致似本杂志，加分。不过是日午餐的餐牌并无另印参考，食客要自己用手机扫QR CODE睇，或者方便厨部同后台会每日更新，但最终都系要托侍应落单，有啲唔方便。
一行四人叫咗4个SET，每SET前菜可以跟餐汤或者沙律。同事拣咗薯仔汤，自己拣咗南瓜沙律。薯仔汤望落个色似南瓜汤咁，饮落有淡淡哋薯仔味，重芝士拉丝味道，饮晒成碗汤一啲都唔"漏"。至于南瓜沙律，菜新鲜爽脆，绵绵南瓜仲好甜，仲有啲合桃碎粒，配埋酸酸地两小口山羊芝士好好咬口。如果净系一大碗沙律，都会有健康客嘅巿场。
主食嚟啦! 同事嘅蕃茄芝士意大利粉，闻落浓郁蕃茄香，食落去有轻淡味道，不是茄膏假甜味，有少少芝士香味混埋一齐，YUMMY! 意粉面身软硬度适中，并无太腍黏口或者太硬身。女仔嚟计，食晒一碟完全OK！
另一同事点咗鸡胸肉扒配薯菜，扒身上层有芝士番茄酱。肉扒有手掌大小尺寸，扒身唔会过厚，入口亦唔粗糙"鞋口"，有少少肉汁油份。跟埋个芝士要趁暖身食，否则芝士凝固少少后，入口会觉得无咁吸引仲会好油滞。薯条炸至金黄色，唔干身唔硬口，食到内里软软薯蓉。整体都系中上！
自己点咗青口配鱼柳，卖相摆盘简单。青口处理过，唔会有过多"足丝"，食落口唔韧身。鱼柳薄身煎到好香口，亦又唔系油冧冧，亦都无松散，仲有啲结实，无雪味。配菜西兰花、薯仔唔会好HEA，有少少盐调过味，整碟都系有水准~
一人食完个SET都饱晒，下次先留肚食甜品~
张贴
