上海弄堂菜肉餛飩 (電氣道)

营业中

休息中

呢间位于天后横街嘅上海菜馆，有好多报刊、电视媒介、艺人及食客都介绍过，今日经过就入去食lunch。醉鸡担担面 $78汤底欠缺花生酱香味，汤面好多红油，味道唔辣又唔香，好淡口。上海拉面烟银度适中，爽口弹牙。醉鸡件欠缺酒味及药材味，仲系刚刚从雪柜攞出嚟，冻冰冰😖！鸡件带血，无肉味，肉质较实。小笼包 $40/4只包皮较厚，猪肉馅料淡而无味，汤汁亦好少😔。荠菜猪肉馄饨 $35/4只呢个招牌菜系每日人手新鲜制作，果然系好食。荠菜香甜美味，馄饨皮薄滑口，但配上豉油汤底就好可惜☹️。餐厅名大于实，只可当家常便饭嘅食堂，但价钱就略贵。