金蘭花泰國餐廳 (已結業)

星期日行完街，想食泰菜，记得朋友介绍呢间，所以walk-in上黎，好爆满座，应该好好味所以先咁满座，我死心不息一定要食呢间，由八点落去再行一阵，差不多八点半终于有位。好肚饿，样样都想食。好耐无食菠萝炒饭，屋企人又钟意食炒饭，所以必叫，炒饭味道有浓郁嘅菠萝香味、酸酸甜甜都几好食，个炒饭配合腰果同粟米口感爽脆，又有提子干肉松，个炒饭炒得干身，好味！！另外好钟意食海南鸡饭，卖相吸引，鸡皮唔会太肥，而且鸡肉嫩滑，配埋个油饭同酱汁，一流，正！！马拉盏炒通菜，一上台，香味令人流晒口水，炒过后嘅通菜好爽口，惹味十足～原本好想食芒果糯米饭，但因为我地太夜入座，已经卖哂，伤心掉住我口瘾；之后叫左班兰糕代替。最后紧系唔少得必饮嘅椰青啦，个椰青真系不得了，虽然椰青系0技术可言的，但饮到靓椰青都要好讲彩数，好解喝清甜。食物咁有水准，服务好，价钱又合理，难怪上楼都咁满座。