必勝客

营业中

休息中

细细个就开始食Pizza Hut，讲紧系仲有自助沙律吧𠮶阵已经帮衬。以前帮衬真系觉得好好味，而家个味道大不如前，新品更加系伏伏伏。所以咁多年来，多数都系叫经典食物。今次叫咗个下午茶餐，价钱系抵，不过味道一般。酥皮忌廉蘑菇鸡汤👋🏻忌廉汤嘅蘑菇只得两块，汤水好稀，自己整金宝汤仲好味。唯一可取就系块酥皮，唔系周围都有酥皮汤。香蒜肉丝意粉👋🏻份量算多，以一人份量嚟讲足够有余。不过今次个意粉太过湿，猪肉粒又有臊味。帮衬过唔同分店嘅Pizza Hut，都发觉每次嘅食物水准都唔同。今次食完个意仲感到好口渴。虽然对于今次的份量满意，不过味道的确令人失望😕辣味鸡翼👍🏻呢度嘅辣味鸡翼味道唔错，系出面食唔到的！侍应服务一般，上菜嘅时候为求就手将𩠌菜摆埋一边就算，摆入少少方便个食客都唔识。至于环境卫生，餐具有啲污糟，要用纸巾抹过先可以用。餐厅对于员工培训和卫生方面需多加留意。