Slow Walker

营业中

休息中

佐敦呢几条街coffee shop 林立，呢间真pet friendly 得黎坐得舒服，食物同咖啡都好高质，绝对唔系斋食环境嘅cafe~ 杯Dirty 啡味浓好nutty，个全素all day超有惊喜同抵食，加$20仲可以转牛角包窝夫，充满牛油香同口感脆得黎有牛角包嘅层次，食物份量仲要系比一般打卡cafe大好多，个猪肉肠蕃茄意粉做到真正al dente再加上新鲜车厘茄做个汁好好味，我最怕食d假蕃茄酱意粉，呢个啱哂口味！小食叫咗薯条，好香口但偏硬未必个个钟意，个松露蛋黄酱味道合格有余但相对无太大惊喜，属于口痕吹水可以一食系列。呢度仲有cocktail叫，不过今次无试，下次可以黎试吓，以cocktail 嚟讲价钱算平。始终位置所限同埋夜晚cafe真系少啲人帮衬，公众假期dinner time都只系得一枱客，好可惜，希望好餐厅真系有多啲人会赏识，唔想成日见住啲好餐厅因为位置差唔特别打咭就默默结业，之后会多啲支持。