南京好味 (已結業)

上个礼拜都唔记得边日....同男友大人晚饭冇著落，又唔想出街食，咁咪近近哋去南京好味买外卖归家食。去到向一如以往嘅黑面姐姐仔，叫咗口水鸡同炒鳝糊两个小菜套餐，个餐跟一个白饭，之后姐姐仔问我饮唔饮嘢，我就话可唔可以转汤，跟住佢超悔气咁话: 加钱咪有啰小姐。我𠮶刻真系嬲嬲哋，不过算~~咁我就加钱要咗酸辣汤，佢就飞咗个牌仔俾我好唔愿咁叫我等number。之后我哋企埋一边等啦........等咗成三个字，只见黑面姐姐仔捧住碗酸辣汤行嚟行去，最后佢都捧番去舖超大声叫咗我牌仔个number，我冇为意咁一心谂住去攞外卖啦，当我俾个牌仔佢时，佢用二十级大声同四十级恶嘅语气讲: 小姐你坐喺边呀? 我呆咗咁答佢，我系叫外卖.....之后佢用发烂渣嘅态度咁将碗𠮶佢捧嚟捧去嘅酸辣汤倒落外卖碗度，又好大声咁叫厨房: 外卖㖞~~当时其实有好多其他食客等紧食物，成个环境所有人都静晒。问心我都几经常嚟帮衬呢间食肆，虽然一向都知姐姐仔系黑面，亦唔旨意佢俾到啲咩服务，不过今次嘅态度实在令我同男友大人都决定以后一定唔会再嚟帮衬。而且当晚个口水鸡完全唔掂，一啲辣椒香味都冇，鸡嚡....个味道仲怪怪哋，都唔似平时以往食开𠮶啲，