影片
更多
2024-03-20
173 浏览
我第一次去呢间餐厅，人未齐但系店员安排我自己先入座。明白午市时间繁忙，店员都算帮手比我入咗先，所以谂住帮我朋友叫咗餐先。朋友想食叉烧蛋饭，而我自己第一次去，所以要睇餐牌，拣咗樱花虾叉烧炒蛋饭。我同一位20头妹妹落单嘅时候讲「唔该我要一个叉烧蛋饭，茶走，同埋做一个樱花虾叉烧炒蛋饭热柠茶」，佢好惊讶，问我「你啱啱咪嗌咗叉烧饭啰，又叫？」我先发觉原来呢两样嘢系同一款菜式，而且因为我要帮我朋友叫定（而我朋友又未到），佢以为我一个人食两份餐。原本好小事，但系佢当场就冷笑一下，话「真系好笑」，掉低张单就走咗。佢转个头喺我座位1，2米前面同另一位男侍应投诉啲客唔识嗌嘢食，话「啱啱有个人叫完叉烧饭之后又叫樱花叉烧炒蛋饭，我都唔知佢做乜」⋯⋯搞到我好尴尬，即刻讲对唔住。奉劝餐厅，市道艰难，铜锣湾饮食竞争激烈，记住对员工好啲，唔好做到佢哋咁躁底啊。
朋友想食叉烧蛋饭，而我自己第一次去，所以要睇餐牌，拣咗樱花虾叉烧炒蛋饭。
我同一位20头妹妹落单嘅时候讲「唔该我要一个叉烧蛋饭，茶走，同埋做一个樱花虾叉烧炒蛋饭热柠茶」，佢好惊讶，问我「你啱啱咪嗌咗叉烧饭啰，又叫？」
我先发觉原来呢两样嘢系同一款菜式，而且因为我要帮我朋友叫定（而我朋友又未到），佢以为我一个人食两份餐。
原本好小事，但系佢当场就冷笑一下，话「真系好笑」，掉低张单就走咗。
佢转个头喺我座位1，2米前面同另一位男侍应投诉啲客唔识嗌嘢食，话「啱啱有个人叫完叉烧饭之后又叫樱花叉烧炒蛋饭，我都唔知佢做乜」⋯⋯搞到我好尴尬，即刻讲对唔住。
奉劝餐厅，市道艰难，铜锣湾饮食竞争激烈，记住对员工好啲，唔好做到佢哋咁躁底啊。
张贴