越之味 (德民街) (已結業)

入红馆睇Show前揾间快饭食下揾到呢间。6点几去完全无客，入左去企左一阵阿姐都挂住倾计无理我地，坐底左本身谂住叫鸡丝河同试下慢煮牛河，举左手一阵，行埋出去都无人帮我地落单，Which果阵系无客佢地只系倾紧计。个阿姐同另一位应该系负责煮野既哥哥讲鸡丝解唔切冻，但两个人自已对话无谂住同我地讲，我地都惊有雪味就改左生牛肉河。最后叫既菲力生牛汤河同埋慢煮烧牛肉汤河。两个都份量OK，牛肉量都好足够。咬落肉质软，汤底甜甜地有少少怪但总体都好食既。食野既途中可能无客，阿姐同厨师哥哥都大大声倾计，系真系几大声，不过呢啲街坊舖都系无可避免既。埋单问阿姐收咩Payment，佢态度劲差地答，咩钱都唔收！净系收现金！即系态度好小小答都唔系好难姐而家出面收咁多唔同Payment，你唔收咪唔收，咩钱都唔收系咪唔洗俾呀？总结食物唔错，食环境同服务就不了。