影片
更多
2011-11-12
12 浏览
首先抵赞o既,就系食物真系用料十足!我同阿妈仲有佢朋友叫o左几个点心,首先有叫o既当然唔小得虾饺同烧卖,鲜虾菜苖饺,红油抄手,凤爪,鲜菇竹笙肠粉,奶黄包,姜茶汤圆.虾饺,鲜虾菜苖饺:用料十足,起码食到o既唔会系外皮几尺厚.鲜菇竹笙肠粉:第一次食,同想像中一样,唔错凤爪:个xo酱几香,食落有少少辣姜茶汤圆:姜茶唔会太辣,容易入口,汤圆未至于皮薄,不过食落口感都几软身其余o既都唔错.不过有样野,就系食物再好都冇用,就系员工真系好有改善空间.事件1我被安排去一间类似细房入面坐,之后窗口位有人卖单,我想转位,问个员工可唔可以安排一下,佢就好似有点不满,佢话出面有人等紧,咁我就算,反正我都只系想问下事件2我行去洗手间途中,条路算几逼下,有两个员工咁o岩企系到,佢地两个应该咁o岩倾紧计,有讲有笑咁,我行过去个阵,其中一个唔小心踩到我,其实我心念算吧,不过佢踩到我完全冇同我道歉o既意思,正常人踩到野都会望下,连望都唔望下,唔系我讲o左句"你踩到我㖞"我相信佢系唔会察觉,呢个系唔细心之处,之后o既道歉都唔太见得佢有诚意.事件3我之后想加单叫多个甜品,不过就想了解下有有d甜品系点样回事,我妈个朋友叫个员
我同阿妈仲有佢朋友叫o左几个点心,首先有叫o既当然唔小得虾饺同烧卖,鲜虾菜苖饺,红油抄手,凤爪,鲜菇竹笙肠粉,奶黄包,姜茶汤圆.
虾饺,鲜虾菜苖饺:用料十足,起码食到o既唔会系外皮几尺厚.
鲜菇竹笙肠粉:第一次食,同想像中一样,唔错
凤爪:个xo酱几香,食落有少少辣
姜茶汤圆:姜茶唔会太辣,容易入口,汤圆未至于皮薄,不过食落口感都几软身
其余o既都唔错.
不过有样野,就系食物再好都冇用,就系员工真系好有改善空间.
事件1
我被安排去一间类似细房入面坐,之后窗口位有人卖单,我想转位,问个员工可唔可以安排一下,佢就好似有点不满,佢话出面有人等紧,咁我就算,反正我都只系想问下
事件2
我行去洗手间途中,条路算几逼下,有两个员工咁o岩企系到,佢地两个应该咁o岩倾紧计,有讲有笑咁,我行过去个阵,其中一个唔小心踩到我,其实我心念算吧,不过佢踩到我完全冇同我道歉o既意思,正常人踩到野都会望下,连望都唔望下,唔系我讲o左句"你踩到我㖞"我相信佢系唔会察觉,呢个系唔细心之处,之后o既道歉都唔太见得佢有诚意.
事件3
我之后想加单叫多个甜品,不过就想了解下有有d甜品系点样回事,我妈个朋友叫个员工比点心纸o既同时,亦都同佢讲我有疑问,不过个员工就比完个点心纸就走o左,我最终有问题都问唔到,我真系好想知个员工究竟系听唔到定无视客人,前者的话就即系佢唔够细心,后者的话就真系需一需要去训练一下个员工.
事件4
我最后落单系叫o左两个食物,系姜茶汤圆同福井萝卜糕,不过姜茶汤圆到o左,只不过个萝卜糕就迟迟未到,都系睇返张单先知佢落遗,之后想问清楚先确定真系落遗单,个员工知道后完全冇任何行动,连讲一句"不如宜家帮你落单,叫厨房快点做过比你"之类o既说话都冇一句,哦完就算,唔通呢个就系你地o既待客之道?我本来系有充足时间等,最终我都等都冇时间,连累到我想食都冇得食.
员工态度未至于叫恶劣,不过就未能够位客人提供细心窝心o既服务水准,有d甚至令人不满,就系呢一点,就算食饭再美味,比你揾到视帝帮拍广告都冇用,食一餐饭唔只系要食物o既美味,员工所提供o既服务同态度都好重要!
张贴