影片
更多
2008-08-15
13 浏览
今日同大秘书姐姐加韩深一心谂住食呢间大户屋，所以一到12:30即刻嘭嘭声碌去新新吉之岛.....一去到已经一大堆人企晒喺门口，攞咗飞仔都系等咗三四个字，好开心。一打开本menu，哗~花多眼乱.....不过我哋都五分钟做咗决定....我哋叫咗3个set:1. 吉炸猪定食 - 首先会有一碗芝麻俾你自己磨碎(其实同Donichi一样)，之后有渍物(青瓜)、面豉汤、一大堆椰菜沙律、猪扒一份切成五件，份量ok。猪扒好松脆，比Donichi差少少，不过真系一至认为都好掂。2. 亚拉斯加产红鱼定食 - 又系有渍物(青瓜)、面豉汤，不过多一个海澡渍物。个鱼质地ok，不过好似冇咩味同好多骨，个人觉得麻麻。3. 猪柳拼鸡定食 - 又系有渍物(青瓜)、面豉汤、一大堆椰菜沙律，仲有一堆长通粉再多一个前菜(有虾、辣椒一条、茄子、鸡脾菇一大旧同萝卜蓉)。个前菜味道唔错，鸡扒好滑同好入味、猪柳我冇食，不过同行两位都话好味同好腍，好正㖞~~以上所有定食都白饭任装，所以我哋三个人都叫咗成六碗，日本米都几甜，好满足!!食物总括都几好....不过服务就.....话说我哋叫3个set一心系share嚟食，第一个到就系吉炸猪定
一打开本menu，哗~花多眼乱.....不过我哋都五分钟做咗决定....
我哋叫咗3个set:
1. 吉炸猪定食 - 首先会有一碗芝麻俾你自己磨碎(其实同Donichi一样)，之后有渍物(青瓜)、面豉汤、一大堆椰菜沙律、猪扒一份切成五件，份量ok。猪扒好松脆，比Donichi差少少，不过真系一至认为都好掂。
2. 亚拉斯加产红鱼定食 - 又系有渍物(青瓜)、面豉汤，不过多一个海澡渍物。个鱼质地ok，不过好似冇咩味同好多骨，个人觉得麻麻。
3. 猪柳拼鸡定食 - 又系有渍物(青瓜)、面豉汤、一大堆椰菜沙律，仲有一堆长通粉再多一个前菜(有虾、辣椒一条、茄子、鸡脾菇一大旧同萝卜蓉)。个前菜味道唔错，鸡扒好滑同好入味、猪柳我冇食，不过同行两位都话好味同好腍，好正㖞~~
以上所有定食都白饭任装，所以我哋三个人都叫咗成六碗，日本米都几甜，好满足!!
食物总括都几好....不过服务就.....话说我哋叫3个set一心系share嚟食，第一个到就系吉炸猪定食，五分钟后就亚拉斯加产红鱼定食到埋，不过之后三个字之后个猪柳拼鸡定食都仲未到，咁我就直接问同我哋落order个女待应问啦，点知佢答:我同你落个order一定有，嚟紧等多阵啦。之后见佢都冇帮我哋check order，咁算啦，之后过多一个字再问佢，佢大概都系答番同一样嘢，之后我就问第二个女待应，见佢即刻同我check，再睇住佢一支箭咁冲咗入厨房，心知一定系漏order啦，再等多一个字仲未有声气，咁我就再问帮我check order个女待应系咪漏order啦，点知人哋都未答同我落order𠮶个女待应就走过嚟反问我哋:你哋叫三个定食咩，唔系净系呢两个咋咩?哗~咁咪即系冇同我哋落order啦...又冇礼貌，而且我哋三个大人，仲有其中一个系壮男，点会叫两个定食呀，仲要佢好似好委屈咁，之后有个好似主任嘅人出嚟完场，又话系新人，所以唔好意思果啲啦。大概五分钟之后，帮我check order个女待应就捧咗个定食嚟，相信系佢一支箭咁冲入厨房同我哋追加order嘅功劳，虽然好明显系个别员工疏忽，不过相信佢哋要train-up吓啲唔掂嘅个别员工啰。
注* 是次计分因为服务关系所以降至OK
张贴
