串王之王 - 正宗成都串串火鍋 (已結業)

今日黎到尖沙咀食串王，都系因为老虎🐯钟意食麻辣同埋鸭血既原故。之前听过佢系逐枝签计钱，宜家转左就系有任饮任食....计落就坻左好多。串串既由来都系黎自国内重庆，当然呢度一定无国内咁平，但系佢既食物都有啲似国内有果啲，而唔系一般港式打边炉。好似有蛋饺、鸭血、窝蛋牛肉、羊肉、毛肚、鸭舌之类.....野饮都多元化，有解辣既椰汁、加多宝，汽水等等（全部任饮）食物水准可以，怕太辣佢都有啲麻油提供，听讲系用黎解辣。唯一要请下个环境，如果两人黎坐细枱都几辛苦，锅又大，所以摆料既位好少。两个人黎食就要考虑下。佢另外一啲要收钱既配菜都吸引...例如冻凉粉、炸芭滋配奶油、冻鱼皮。餐厅限时2小时，都几准时叫人走。宜家有早鸟优惠7时前走就2人同行1人半价，呢个优惠都几吸引。