尚鮮海鮮料理 (已結業)

听朋友介绍锁定左尚鲜。咁岩发现做紧生日优惠，拿拿林订座登记埋会员。设计好新奇，餐厅有五，六个卡座， 更设有私家电视， 够晒贴心。 居然仲有独立嘅vip房。川贝海底椰炖鳄鱼扒汤，够晒滋补， 除咗鳄鱼扒汤料仲有半只鸡，劲多嘅排骨， 店员推介先饮一，两碗汤，因为全无味精， 纯粹系汤料嘅味道。 果然饮落顺喉清甜， 平时缺乏自家汤水 所以我哋每人都饮咗两三碗。百花酿油条，虾胶酿油炸鬼🤤虾胶弹牙，仲有虾粒增强咬口，油炸鬼炸得脆卜卜，上碟前已索好多余油份，唔会油冧冧。浸汤食定就咁食都一样好味，仲有另跟一个酸辣酱可以点嚟食。总体上食物都唔错。