魚之神日本料理 (已結業)

一家人谂住食餐好，怕无位一早去等，未够六点就系门口了。理应18：00开门，只见员工行来行去，我同其它食客就on居居系门口干企。等左10几分钟，问可否入去坐住等，待应只回覆：就可以•••等等。 其实俾我地入去坐住先，都好过系条街食尘丫。终于坐低左，立刻叫野食。点了一个二人餐，一个寿司拼盘。寿司质素就一般喇，感觉无咩鱼嘅鲜味，特别系D三文鱼子同呑拿鱼。跟住D热食就一个一个上，但系个餐嘅沙律同刺身就无左影。谂住叫待应帮帮手跟下，D待应个个蜡像咁，无嚟表情，一番挥手叫到一个，睇都无睇，只得到应酬式嘅回应：整紧•••好，咁唯有食住热野先。D热野食都唔错，不过自己就唔系好接受到未食完冷就食热。一路食到炒饭都嚟埋，我地个沙律影都无。向待应挥手加唔该，谂住再问问，个待应懒得行多步，九丈远不礼貌地回了一句： 讲喇•••沙律最后来到，讲真都无咩心机食，边有人食晒主菜先食沙律架？总结，D服务质素就•••，唔驶钱都一肚气，要钱直头一肚火@@，唉！