隼 (已結業)

成日都见到佢已经火车回转寿司餐厅食寿司，今晚放工决定去食。虽然系回转寿司餐厅，但系我见到个个都会叫一锅shabushabu, 我就叫咗牛肉寿喜烧，入面有蟹柳、豆腐、粟米、冬菇、芋丝、金菇、红萝卜，等等，仲配咗半个稻庭乌冬，热辣辣食落去真系好满足。入边嘅寿司好多选择，三文鱼寿司肥瘦均匀，色泽亮丽，卖相不错味道都好新鲜。军舰方面拣咗吞拿鱼蓉军舰、龙虾沙律军舰、芥末八爪鱼等值得一赞系紫菜真系好脆，全部都系新鲜包！料都比得好多，所以食得好开心。牡丹虾、剑鱼同埋贝类都系好新鲜，而且好厚切，饭唔会俾得好多，所以可以食到刺身嘅鲜味。天妇罗炸虾手卷嘅炸虾啱啱新鲜炸好，好脆口，而且紫菜都系继续好爽脆，价钱唔贵，性价比高。