安樂茶飯上膳 (已結業)

其实已经系九月尾时候去哩度食‥不过宜家先留个评语。系平日既星期三，六点多d去到‥好少人。得到门口侍应既热情款待，又话六点至七点九埋单而又食套餐，有八折优惠。其实一心谂住去试下，梗系入左去啦！Menu中好多款菜式都好特别，好想试晒咁多…可惜我地两个人，点可能一次试晒。芝士焗蕃茄好好味！原来蕃茄中间既芝士上酿入墨鱼胶，芝士味唔重，如果太浓会好漏，墨鱼好弹，配上酸酸甜甜既汁，中和芝士味，恰到好处。蒜蓉蒸娃娃菜唔错，几香，但系份量太少。饺子酿鸡翼，系去之前必试之选，饺子饀好得意，真系用包饺子既饀造咖！油盐水菜粒蒸饭就唔得喇！得少少冬菇粒同粟米粒，仲要无乜味，同食白饭差唔多。套餐跟既炖汤好好味同好清，系竹庶茅根海底椰排骨汤。餐亦跟个烟鹅胸杂果沙律，唔错㖞！仲叫咗个咕噜虾球，我觉得好好味！外脆内滑！当你咬住佢既时候，连喷出黎既口气都有好香既虾味咖！不过唔好放到冻晒先食，会无咁脆。所有款式都系细细碟，同多一两个朋友仔去就可以试多几款。环境舒适，员工态度值得加许！佢地服务态度好好咖！总括黎讲我一定会再去，因为仲有好多菜式想试。