尚青商號 (已搬遷) 新店位置

外卖及堂食都去过好几次，食物系好，但大部分店员服务态度差，落单手机menu 唔系好user friendly查问店员想点的食物哪里找，唔耐烦咁答你。点餐后系饮品同小食先到，但又唔会比餐具你..你无餐具食嘢又无店员留意到，净系识得催你一个钟要交枱㖞！原来你既餐具系跟住响你点个主食连餐盘随后先一齐上，你系要主动问可唔可以有餐具先食小食，先会比你！到你食完离开，正系午饭时间，排队条龙企满楼梯，上落既人都系要迁就一下，但咁啱有个店员迎面行上嚟，我哋落紧去离开，旁边已经企满排队根本冇位可以迁就，我哋都企定让比个店员上先，佢仲无礼貌到行过后发忟憎好晦气咁大大力dum地。之前几次外卖就起码等半个钟以上，最耐一次企响到等咗45分钟拎，只系叫佢地特定既午市外卖套餐，其实都已经系煮定晒，唔明点解要等45分钟，催几次都话整紧，一个钟既食晏时间净等拎外卖45分钟，再行返公司即系唔驶食。以后唔会再去，次次都无改善，就算欣赏食物有几好但服务态度差，食餐饭唔想咁受气。