影片
更多
2024-06-06
39 浏览
同朋友行观塘海滨公园散步，由观塘起步行到尾其实都几长几攰🙈🤣 于是就喺个边揾吓有冇好西食，结果就拣咗喺海滨汇嘅呢间海街丼😍 环境好优雅，装修好新净，店员都好有礼貌，第一印象已经好好！😆酱汁吞拿鱼丼 ($200)丼饭有腌过嘅呑拿鱼、呑拿鱼蓉加三文鱼籽。腌过既吞拿鱼好大块好厚，好有咬感。味道方面，即使唔点豉油都好，完全冇腥味，腌料令到吞拿鱼口感更加丰富，好match ！吞拿鱼蓉好滑又多，都系冇腥味，吞拿鱼爱好者一定要嚟试！三文鱼籽同上！😍😍 仲有！呢个丼饭除咗1️⃣ 就咁捞Wasabi同豉油食之外，仲有两种食法🤩 2️⃣ 将附送嘅寿司醋果冻捞埋落啲饭一齐食。佢系好似一嚿落咗醋嘅啫喱，食落几开胃，味蕾受刺激😆3️⃣ 食到剩返1/3，可以将厨师们亲自用鲜鱼秘制熬成嘅鱼汤（鱼介出汁），仲有碟上面嘅其他配料倒落个饭度，变成茶渍饭咁食，呢个食法又有另一种风味。鱼汤仲系暖既，饮落去好鲜甜，好似褪去食Wasabi嘅浓烈，而温暖肠胃嘅感觉，值得一试！🫰(放心，唔明可以问，职员都好客气有礼貌👍🏻👍🏻)鳗鱼丼 ($155)鳗鱼饭都好好食，鳗鱼烧得好香，鱼肉极厚，感觉鱼仲多过饭🤣 食落去好滑身，鳗鱼汁落得啱啱好，唔会过咸或
酱汁吞拿鱼丼 ($200)
丼饭有腌过嘅呑拿鱼、呑拿鱼蓉加三文鱼籽。腌过既吞拿鱼好大块好厚，好有咬感。味道方面，即使唔点豉油都好，完全冇腥味，腌料令到吞拿鱼口感更加丰富，好match ！吞拿鱼蓉好滑又多，都系冇腥味，吞拿鱼爱好者一定要嚟试！三文鱼籽同上！😍😍
仲有！呢个丼饭除咗1️⃣ 就咁捞Wasabi同豉油食之外，仲有两种食法🤩
2️⃣ 将附送嘅寿司醋果冻捞埋落啲饭一齐食。佢系好似一嚿落咗醋嘅啫喱，食落几开胃，味蕾受刺激😆
3️⃣ 食到剩返1/3，可以将厨师们亲自用鲜鱼秘制熬成嘅鱼汤（鱼介出汁），仲有碟上面嘅其他配料倒落个饭度，变成茶渍饭咁食，呢个食法又有另一种风味。鱼汤仲系暖既，饮落去好鲜甜，好似褪去食Wasabi嘅浓烈，而温暖肠胃嘅感觉，值得一试！🫰
(放心，唔明可以问，职员都好客气有礼貌👍🏻👍🏻)
鳗鱼丼 ($155)
鳗鱼饭都好好食，鳗鱼烧得好香，鱼肉极厚，感觉鱼仲多过饭🤣 食落去好滑身，鳗鱼汁落得啱啱好，唔会过咸或者过淡🤤
两个定食都有送渍物牛蒡，但系佢系腌过，酸酸甜甜，好爽脆，好好味😍仲有仲有！茶都好香，唔知系咪茉莉花绿茶(?)，可以饮几杯都唔厌😚 餐厅喺餐具方面嘅设计都好有心，每一台嘅筷子座装饰都唔同，好可爱😆
结论
🫰食物味道出色
🫰刺身新鲜
🫰食法特别
⚡️要行 （如果地铁站过嚟，牛头角站落就会近啲），但如果想安安静静同朋友倾吓偈聚下旧，呢度真系首选👯♀️👯☺️
好味度：9/10
回头度：8.5/10
餐厅资料
餐厅名称：海街丼 (海滨汇)
餐厅地址：观塘海滨道77号海滨汇1楼13-14号舖
张贴
