日船章魚小丸子

营业中

休息中

日船的小丸子真系冇得输，一直都保持到质素，我都好开心旺角开左日船。呢度买野食冇得用八达通，直接俾钱收银员。到我买时刚好要等，我就企埋一边等。大家都知道，店后面有人负责烧小丸子，烧完入盒就会交给收银员揤酱同加木鱼。一路都觉得唔太衞生，因为只手掂完钱又揤酱，但谂住唔系直接掂到食物所以就算。但喺我等紧小丸子的时候，我见到收银员补充番枱面的木鱼同酱，佢用刚才收完钱的手直接从一袋的木鱼，一手一手咁抓起放入枱面的瓮内，然后再从一包未开封的沙律酱，剪角揤入一支瓶中。我睇到吓亲，只手未洗过但直接掂食材，以前冇疫情都惊啦，依家仲得人惊。我强烈建议收钱的人唔好参与处理食物的过程，讲真一收完钱就掂食物或包装，真系好污糟。希望情况得到改善，令大家食得安心。