南翔饅頭店 (已結業)

朋友同我一样钟意上海同北京食物，第一次来呢度，当时晚上大约９点，我地入坐后，都唔知系唔够人手定招呼唔周到，等极都无人理我地，叫佢地拿水来先，原来系要叫茶既，每人 $10 。我地３人要左乌龙茶，菊花茶，玫瑰花茶，茶好香，但杯好细，饮２口就无晒，我地唯有一面食就一面自己走去拿个壸来冲茶（因为叫都无人得闲理我地，明明有个女部长系隔离），我地冲过几次觉得好烦走来走去，咁放左个壸系台面，果个女部长见到，面黑咁就扮晒野咁走来话（做咩个壸放系度），真系好唔开心，无人招呼自己来重要睇人面色，唯有我地自己走来走去咁冲水啰！炸馒头好正，外皮轻脆，内里软熟，清炒豆苗，豆苗有香菜味，新鲜，而且有获气！荠菜小笼包，小笼包食得多，多数都系有肉，今次无肉，荠菜好香，好好味，我地３个都树起手指公荠菜肉丝炒年糕，好好味呀　　荠菜香，年糕软硬适中，正！我好想食高力豆沙，但朋友唔钟意，咁唯有下次有机会先。共 $253一定会再来，但希望招呼好些。