Opera House Italian Restaurant & Bistrot (已結業)

夜晚同2个朋友黎湾仔呢间新餐厅食，一入去见到爆埋场。系楼下吧台等左5分钟，就上楼上食啦。环境好靓，好有意大利feel 波。3个人叫左3样野share。第一样系待应介绍既，牛肝菌猪肉火腿白酒汁马铃薯丸子。待应话马铃薯丸子系home made既。食落几"烟靭”，好香。牛肝菌轻炒过，更香浓。不过呢过一定要share食，一个人系食唔到既。烤鸡扒香脆嫩滑，香草味岩岩好。最后系卖相一流既三文鱼扒。三文鱼好新鲜，煮得岩岩好！食落好滑，好鲜味，少少茴香味令鱼肉带点清香。服务方面，可以因为爆场啦。感觉到系人手唔够，不过招呼好亲切。经理同大厨亦百忙中问我地食物O唔ok。对上菜稍慢亦有不断道歉。相信我下次黎佢地会改善。