三多炸肶 (已結業)

一个礼拜起码黎一次旺角嘅我，竟然发现到呢间新餐厅，特别俾佢门口𠮶个图画吸引住，非常之同意「食鸡肶唔识皮系一种罪」！！我最钟意食炸鸡髀，见到就已经觉得非常之吸引！！首先送上嚟嘅系豉油肉碎炒肠粉，好有意外惊喜，冇谂过炒肠粉都可以咁有镬气，食完之后真系想再encore叫多啲碟！！跟住主角鸡髀，贪心嘅我又想试吓炸嘅，又想试下卤水，所以两个都叫咗，好彩两个人一齐食～ 个卤水鸡髀配沙律，大大只鸡髀见到已经流口水，卤水腌得好入味，薯仔沙律都好好味好爽口新鲜～ 包装都好照顾客人，有个纸袋同竹签方便大家食～跟住炸鸡髀就配意粉，超级大只，个鸡髀差唔多霸晒成个盒，鸡髀炸得黎唔油，好松脆～嘢饮叫咗个黑牛同柯柠，又系系大大杯好饮解渴～总括：食物好有诚意嘅制作，有质素，大大份价钱又非常之抵，绝对值得再encore！！