銀龍咖啡茶座

营业中

休息中

听讲去鲤鱼门除咗食过海鲜之外就真系要试吓呢一间茶餐厅，佢嘅招牌三宝分别有蛋白腐乳西多士、招牌奶茶王同埋芒果布甸，今日试咗其中两款，另外再嗌咗个午餐肉烘猪仔包。西多士顾名思义就系西多士入面系查腐乳而唔系查花生酱或者其他嘢，老老实实第一次食咸嘅西多士味道还可以啦，我个friend就话味道好夹，不过我自己就钟意甜嘅西多士多啲。午餐肉烘猪仔包上枱嘅时候热辣辣脆卜卜真系好好食，即叫即烘够晒诚意。杯奶茶都几好饮，奶同茶嘅味道又真系几Balance。值得一提嘅就系侍应非常热情兼有礼貌，一坐低就即刻用酒精消毒易帮我哋抹枱，非常卫生，真系难得。